Artista

Guy Sebastian mak hanesan kantor, kompozitor no produtor australiano ne’ebé ho naran-boot bainhira manán ido Australia nian ba dala uluk. Komesa husi ne’ebá nia sai hanesan figura ida husi muzika Australia nian, ho album oin oin no barak ona mak susesu iha , besik millaun 1,75 ne’ebé fulan fulan rona nia musika sira iha Spotify no liu millaun ida husi ema mak rona.

Iwan Fals hanesan kantór no kompozitor Indonesia nian ida-ne’ebé rekoñese hanesan figura ida-ne’ebé influénsia boot liu iha múzika Indonezia nian, ho karreira dekade balun ne’ebé marka ho karta sosialmente konsiente. Agora dadaun iha ema biliaun 7 nee’be mak tuir ka rona nia muzika sira iha Spotify, ema biliaun 4 liu husi ema ne’ebé rona fulan-fulan no katálogu ida-ne’ebé aas liu ema na’in 1.2 biliaun.

Galaxy mak banda husi Timor-Leste ne’ebé konsideradu hanesan referénsia ida iha musika kontemporáneu Timor nian. Banda ne’e koñesidu tanba nia kombina influénsia musika moderna ho elementu husi identidade musical Timoroan nian.Grupu ne’e hametin ona ninia prezensa dijitál, ho múzika ne’ebé tau iha Spotify, ema rihun ba rihun ne’ebé haree iha YouTube no komunidade ne’ebé aumenta iha rede sosiál sira.

Black Jesuz mak grupu hip hop ida husi Timor-Leste ne’ebé rekoñesidu tanba husi nia letra sira ne’ebé iha konsiénsia sosial forte no mensajen kritika iha nia música. Durante iha sira nia perkursu mundu música, grupu ne’e konsolida-an nu’udar lian ativa ida iha sena música timor nian, uza hip hop hanesan forma espresaun artístika no intervensaun sosial.

Jac Inta mak DJ Timor oan nian ida ne’be haklean an iha área múzika local liu husi ninia kualidade no maneira aprezentasaun ne’be enerjetiku ka dinamiku. Nia sekuensia musika sira kahur husi musika urbanos ho konteinporáneos, husi ne’e hatudu katak nia iha enerjia no nia iha kapasidade forte atu konekta ho públiku.

Calema, grupo husi ema nain rua maun-alin Fradique no António Mendes Ferreira, husi São Tomé e Príncipe maibé hela iha Portugal. Calema koñesidu tanba kombina estilu muzikal ne’ebé diferente: muzika husi Áfrika, muzika husi nasaun ne’ebé koalia Portugés, no muzika pop moderna. Grupu ne’e iha ema maizumenus biliaun 1.6 ne’ebé rona sira-nia múzika kada fulan iha Spotify, iha ona ema rihun 530 resin ne’ebé rona sira-nia múzika no iha múzika populár hanesan “A Nossa Vez” no “Te Amo,” ne’ebé ema rona dala atus ba atus iha YouTube.

Crimson mak hanesan artista R&B Timor-Leste nian ida-ne’ebé iha tempu modernu konsidera hanesan lian idane’ebé relevante liu jerasaun múzika foun. Ho ema millaun 1 liu ne’ebé tuir nia iha rede sosiál no ema rihun ba rihun ne’ebé haree iha YouTube, sira ko’alia kona-ba tópiku sira hanesan “NTTILES” (biliaun 6.5) no muzika “HAU NO ITA” (liu biliaun 4).

“Our Time” mak hanesan projetu múzika ida-ne’ebé halibur hamutuk artista timoroan sira Betinho no Orlanda, ne’ebé manán iha programa Mehi, proograma ne’e husi Uniaun Europeia. Aprezentasaun ne’e halibur sensibilidade artístika oin-oin iha aprezentasaun emosionál ida-ne’ebé foka liu ba múzika romantiku kontemporaniu no ligasaun forte ho públiku, ne’ebé reflete talentu husi jerasaun foun múzika Timor nian.

Jange & Valenada sai hanesan timor oan nain rua husi R&B romantiku ne’ebé hahú sia nia kareira iha tinan 2023 no foin lalais manán popularidade entre joven públiku sira. Entre sira nia musika hotu, Iha “Tebes,” ne’ebé ema rona maizumenus biliaun 4.5, no “Feto Uniku,” ne’ebé liu ona biliaun 3.

Etsubdink Eyaya, ne’ebé konhesidu hanesan DJ Etsub, husi Etiopia ne’ebé hela iha Dili. Nia iha enerjia barak atu toca muzika eletrónika hodi dada publiku sira nia atensaun husi ninia animasaun. Sekuensia muzika sira ne’ebé nia kombina iha baku instrumentu eletróniku ho musica dancehall kria ambiente vibrante, hodi halo públiku senti animadu no bok na ba mai.