SÉ MAK AMI
Hahú ho edisaun ida-ne’e, Fundasaun TasiFest sei sai hanesan promotór festival nian, serbisu iha parseria ho EVEN2U, fundadór festival nian.
Harii iha tinan 2025, Fundasaun TasiFest mosu ho objetivu atu halo Festivál TasiFest sai hanesan festivál ida ne’ebé sustentável, hakbiit rekursu umanu timoroan sira atu sira bele asume lideransa iha área no komponente oioin hosi projetu ne’e iha futuru. Nia mós hakarak la’ós de’it atu garante festivál nia kontinuidade ba tinan barak, maibé mós atu garante katak nia impaktu sente iha tinan tomak, liuhosi atividade sira ho eskala ki’ik liu ne’ebé aliña ho valór sira no objetivu sira ne’ebé maka iha orijen ba kriasaun Festivál TasiFest nian.
Konsellu administrasaun fundasaun nian kompostu hosi membru oioin ne’ebé envolve dezde edisaun dahuluk, ne’ebé halo ideia ne’e sai realidade no ne’ebé ida-idak kontribui tuir sira nia área perísia nian.
Harii iha finál 2018, EVEN2U mosu hosi susesu eventu oioin ne’ebé nia ekipa organiza iha tinan hirak liubá.
Impulsionadu husi paixaun ida atu kria esperiénsia sira ne’ebé distintivu, inovativu, ne’ebé ema labele haluha, empreza ne’e harii atu hadia no dezenvolve eventu sira no komunikasaun iha Timor-Leste.
Ho sede iha Dili, EVEN2U hanesan espesialista iha dezenvolvimentu no ezekusaun eventu no okaziaun sira ne’ebé mak reflete espetativa, estilu no personalidade úniku hosi nia kliente sira. Ekipa nia kompromisu ba exelénsia no kriatividade halo kliente fiar liu sira nia kompañia iha merkadu.
TASIFEST maka pontu aas liu hosi vizaun EVEN2U nian — inisiativa ho ambisaun boot atu lansa festival sustentavel ida ne’ebé dedika ba juventude dahuluk iha Timor-Leste. Ida-ne’e hatudu sira nia dedikasaun hodi kahur kultura, komunidade, no sustentabilidade ba eventu markante ida ne’ebé sai famozu iha nivel lokál no internasionál.