EDISAUN Anteriór
ANJI
ANJI
Anji mak artista pop ida ne'ebé koñesidu liu iha Indonézia, ema hatene nia ho estilu romántiku dezde lansa ninia kareira solo iha tinan 2011. Ho múzika sira ne'ebé mak susesu hanesan “Dia” (140 millaun ema ne'ebe hare) no “Menunggu Kamu” (108 millaun iha YouTube), nia kativa ona ema mak rona liu millaun resin no estabelese nia hanesan múziku ida ne'ebé mak iha influénsia liu iha nasaun Indónezia.
CYRIL
CYRIL
DJ Cyril, artista australianu ida, hahú nia kareira múzika iha 2021 hanesan pasatempu ida, maibé nia set múzika hetan lalais sucesu ne'ebé la espera. Ohin loron nia mak DJ ida ne'ebé ema barak liu hakarak hare, la'ós de'it iha Austrália maibé mós iha Europa tomak. Ema liu millaun 20 rona ninia múzika kada fulan iha Spotify.
QUATRO
QUATRO
Quatro nu’udar múziku no kompozitór timoroan ne’ebé hahú nia kareira iha mundu múzika RAP nian iha tinan 2016. Nia mehi-na’in no hein katak loron ida bele to’o iha palku internasionál ho nia múzika orijinál sira. "UUU" mak ninia múzika ida ne'ebé famozu liu no ema mak hare liu rihun atus ba atus iha YouTube.
DEMETRIO
DEMETRIO
Demetrio hanesan artista timoroan ho kareira forte iha múzika pop dezde tinan 2008. Ho esperiénsia ne’ebé luan iha palku artístiku, nia kativa audiénsia sira ho nia single susesu “Derepenti Deit”, ne’ebé ultrapasa ona ema mak hare millaun 1 iha YouTube.
DJ QUEENZHA
DJ QUEENZHA
DJ Queenzha mak artista joven timoroan ida ne'ebé hahú ninia kareira iha múzika iha tinan 2019. Koñesidu ho nia enerjia boot, nia kahur EDM, dubstep, dancehall, afro, moombahton, R&B, reggaeton no dutch hodi entrega set ne'ebé úniku no ho enerjia aas ne'ebé kativa públiku barak.
RUI ORLANDO
RUI ORLANDO
Rui Orlando mak múziku, kompozitór no instrumentalista angolanu ida ne'ebé mosu iha palku Kizomba. Ninia múzika sira sai hanesan sensasaun ida, halibur ema ne'ebe rona liu millaun resin iha YouTube. Múzika “Peço Perdão” mak hetan destake boot ho ema mak hare liu millaun 28.
DALIA KIAKILIR
DALIA KIAKILIR
Dalia Kiakilir moris iha Timor-Leste no hahú ninia kareira iha múzika ho tinan 12. Koñesidu ho nia lian ne'ebé úniku, nia kahur ritmu tradisionál no modernu, hodi kria lian ida ne'ebé auténtiku no kativante. Ninia múzika sira ne'ebé susesu liu "Ami Hakarak Avô Nana" no "Lakon Fiar" hetan ona ema mak hare liu rihun sanulu resin iha YouTube.
QUATRO CORES
QUATRO CORES
Quatro Cores mak boyband pop timoroan nian ne'ebé mak manán públiku joven sira dezde 2020. Sira nia múzika sai hanesan hino entre jerasaun foun sira, halibur ema ne'ebe hare millaun resin iha YouTube ho múzika susesu sira hanesan “Fix Bonita” no “Kadeli”.
DJ ENIO
DJ ENIO
DJ Enio, talentu timoroan ho paixaun boot ba múzika, hahú ninia kareira iha tinan 2014. Ninia susesu lori ona nia ba nasaun seluk, hanesan Indonézia no Irlanda. Koñesidu ho ninia versatilidade, nia kahur hip-hop, R&B, afro beat, no amapiano, hodi hatudu set sira ne'ebé dinámiku no kriativu.
NUNO SEIXAS
NUNO SEIXAS
Nuno Seixas mak artista joven ida ne'ebé hahú ninia kareira múzika solo iha 2021, destaka ho ninia estilu akustiku no emosionál. Ninia muzika romántiku no nakono ho sentimentu sira hetan ligasaun boot ho públiku no múzika mak susesu boot "Dala Ida Tan Ba Ó" no "Múzika Ne'e Ba Ó" ho ema mak hare liu ona millaun 2 iha YouTube.
RICKi-LEE
RICKi-LEE
Ricki-Lee mak kantora-kompositora australianu ida ne'ebé sai hanesan estrela múzika nian dezde lansa nia kareira iha 2004. Ho digresaun susesu boot iha Austrália no Japaun, nia harii ona grupu fã nian ne'ebé maka'as. Ninia múzika mak susesu boot liu " Do It Like That " halibur ona ema ne'ebe hare liu millaun resin iha YouTube.
NADIA VEGA
NADIA VEGA
DJ Nadia Vega hanesan artista no influensier husi Indonézia ida mak halibur arte dijitál, bem-estar, no impaktu sosiál hodi inspira mudansa pozitivu. Ho esperiénsia liu tinan 20, nia sai ona figura importante ida iha ninia área. Iha 2021 no 2022, nia hetan rekoñesimentu hanesan figura ne'ebé iha influénsia liu iha Singapura.
MARVI
MARVI
Marvi nu’udar artista joven timoroan ne’ebé hahú ninia jornada muzikál iha tinan 2016 ho partisipasaun iha kompetisaun TV Indonézia no Portugal. Foin lalais ne'e nia hahú ho ninia múzika orijinál. "Darling Come to Me" sai hanesan ninia muzika ne'ebé popular liu ho ema ne'ebe rona liu millaun 1 iha YouTube.
KLAMAR
KLAMAR
Klamar mak banda rock/reggae timoroan ida ne'ebé harii iha tinan 2009. Sira nia lian distintivu kahur rock, ska, funk, reggae, folk, no tebe-tebe, hodi fó atuasaun ne'ebé kativa audiénsia sira. "Fantazia" no "Korupsaun" mak sira nia múzika susesu boot no hetan ona ema ne'ebe hare liu rihun atus resin iha YouTube.
DJ WINSTON
DJ WINSTON
DJ Winston mak DJ ida ne'ebé popular liu iha Timor-Leste, ativu dezde 2013. Koñesidu kona-ba ninia versatilidade, nia set sira kahur afro, afro house, amapiano, baile, dancehall, riddim, bootybeats, R&B, UKG, drill, reggaeton, no kizomba, hodi fornese esperiénsia ida ne'ebé dinámiku.
ANJI
CYRIL
QUATRO
DEMETRIO
DJ QUEENZHA
RUI ORLANDO
DALIA KIAKILIR
QUATRO CORES
DJ ENIO
NUNO SEIXAS
RICKi-LEE
NADIA VEGA
MARVI
KLAMAR
DJ WINSTON
Galeria Foto
SEMINÁRIU
Workshop
NATURE THE ARTIST
Tomás João koñesidu liu ho nia naran artístiku "Nature the Artist." Ho natureza hanesan fonte inspirasaun boot liu, nia kria ona arte relasiona ho bani-been no produtu natural seluk. "The Colony" hanesan nia projetu ida, iha ne'ebé nia kria fali obra sira hanesan Leonardo Da Vinci nia Mona Lisa ka Vermeer nia Labarik-feto ho brinku pérola ida.
