INFO BA VIZITANTE
Operador Turistiku
Transporte iha Dili
Dili oferese opsaun transporte oioin, inklui táxi no mikrolet, forma tradisionál transporte koletivu urbanu nian.
Organizasaun fó mos servisu transporte atu liga fatin festivál nian ba sentru sidade.
Hanoin sustentabilidade, ami enkoraja uza transporte públiku ka servisu transporte organizasaun nian. Maibé, se ita-boot hili atu uza ita-boot nia veíkulu rasik, área estasionamentu ne’ebé luan sei disponivel besik fatin festivál nian ba ita-boot nia konfortavel.
Fatin
PNTL
Klinika DMC
FAQ - KESTAUN FREKUENTE SIRA
Labarik sira bele tama iha festival?
Maski la rekomenda, labarik sira bele tama. Labarik sira to'o tinan 9 la selu ba entrada, bainhira akompaña hosi adultu ida ho billete.
Ha'u bele sosa billete ba loron ida de'it?
Laiha billete ba loron ida de’it, billete hotu-hotu fó asesu ba loron 2 festival nian.
Hau bele tama ho kapasete?
Labele tama ho kapasete.
Sasan saida mak ha’u labele lori tama ba festival nia fatin?
Kilat/rama/tudik nst;
Sasan sira ne'ebé konsidera perigozu;
Materiál esplozivu no materiál pirotékniku;
Hahan no hemu husi liur;
Kadeira;
Kapasete;
Speaker no Instrumentu múzika sira,;
Sasan sira vidru nian (botir/perfume sira, nst);
Pasta no mochila boot sira,
Sasan ruma ne'ebé bele tuda no ne'ebé la inklui iha leten
Festival hahu tuku hira?
Semináriu sei hala’o iha dadeer.
Workshop sei hala'o iha lokraik.
Ba animasaun muzika, odamatan sei loke tuku 6 lokraik no taka tuku 1 madrugada.